Gärtnerei Trögl - Firmeng'schicht

Im Joa 2010 hod d'Gärtnerei Trögl ihr 260-jahrigs Firmenjubiläum g'feiert und is so da älteste Handwerksbetrieb vo Inglstod.

Gründ is a worn im Joa 1750 im 9. Viertl von da Oidstod (Heid: Obara Grom 22) vom Dionys Josef Trögl und seina Frau Magdalena Trögl, geborne Plattenmacher. Am 6. Juni 1894 hod da Ludwig Trögl jun. an Betrieb an an heitigen Standort am Brodmuiweg valegd.

Mitten durch d'Gärtnerei, de etz scho in achta Generation g'führt werd, lafft a kloana Boch - d'Schutter - was vo machne Leid gern ois "grüne Oasn" g'hoaßn werd'.

"Das einzig Beständige ist der Wandel."

 

Unsa G'schicht im Übablick:

30.Dezemba 1722: Da Schuhmacha Johann Trögl aus Grafenau und sei Frau Maria Regina, geb. Gogg, wern gega a Gebühr vo acht Gulden in Inglstod ois Bürga aufgnumma.

1750: Dene eana Bua - da Dionys Joseph Trögl und sei Braut d'Magdalena Plattenmacher -übanemman d'Gärtnerei vo de Brauteltern Ferdinand und Barbara Plattenmacher im 9. Viertel vo da Stod Inglstod - heid Obara Grom 22 - und drei Moosbeet' im Wert vo 1000 Gulden. Dionys Joseph Trögl war etz oana vo elf Gärtner in da Stod.

12. Oktoba 1787: D'Gärtnerei in da Oidstod samt Moosbeet' im Gesamtwert vo 1400 Gulden werd am Alois Trögl, an Sohn aus da zwoat'n Ehe mit da Juliana Trögl, geb. Koller übagem.

2. Novemba 1819: Da Alois Trögl stirbt und d'Gärtnerei geht an sein Buam Franz Xaver über, der davor am 17. Februar 1817 d'Maria Anna Jäger g'heirat hod.

25. August 1831: Eana Bua, da Ludwig Trögl sen., kummt auf d'Welt.

15. Juni 1843: Da Franz Xaver Trögl stirbt, der mit seiner Familie im Haus Nr. 163 (heid Fechtgass' 5) g'wohnt hod. Maria Anna Trögl hod nach am frühen Tod vo ihr'm Mo an Betrieb alloa weiderg'führt, bis ihr jüngsta Bua Ludwig oid gnua war, daß as selba macht.

End' 1862: Ludwig Trögl beantragt an Bau vo am oastöckig'n Wohnhaus in seim' Garten am link'n Schutterufa, am heitig'n Brodmuiweg 3. Den Plan ham's eam aba wega da Näh' zu de Festungsanlag'n ned durchgeh' lass'n. Nachdem's an Plan in a "Remis'n" bzw. "Wachthaus" umgändert ham, is er a genehmigt wor'n.

30. August 1864: Da Ludwig Trögl hod d'Margaretha Kopp g'heirat.

17. Februar 1867: Eana Bua, da Ludwig Trögl jun., kummt auf d'Welt.

1874-1887: A Sommerhäus'l mit a Werkzeughütt'n und am Schutzdacherl, Wächterhäus'l und Gmiasschupfa san auf'm Grundstück baut worn.

5. Juli 1893: Gärtnermeister Ludwig Trögl sen. stirbt nur a boa Wocha nach seim 62. Geburtsdog.

6. Juni 1894: Ludwig Trögl jun. gründ' an Gärtnereibetrieb ohne G'schäft am heitig'n Standort.

30. Juli 1901: Er heirat d' Maier Anna -  a Kürschnerstochter aus Schromhaus'n.

seit 1922: Samma a  anerkannta Lehrbetrieb.

17. Oktoba 1936: Ludwig Trögl jun. stirbt im Oida vo 69 Johr.

21. Oktoba 1939: Eana Sohn Anton Trögl heirat d'Josefine Schmid aus Aalen/Württemberg kurz nachdem da 2. Weltkriag oganga is. 1940 is' eana Tochter Hildegard und 1941 eana Sohn Anton auf'd Welt kumma. Gleichzeitig übernimmt da Anton Trögl sen. an Betrieb.

1940: Eröffnung vom Lod'n in da Moritzstraß'.

31. Januar 1941: Gärtnermoastaprüfung vom Anton Trögl sen.

3. Juni 1962: Anton Trögl stirbt im Oida von 54 Johr.

1970: Der Lod'n in da Moritzstraß' werd aufgem'.

25. Novemba 1966: Gärtnermoastaprüfung vom Anton Trögl jun.

1. Januar 1972: Anton Trögl jun. übernimmt an Betrieb.

23. Novemba 1971: Anton Trögl heirat d'Strasser Berta. Sie ham 2 Buam: 1973 Christoph und 1981 Markus.

28. Juli 2000: Gärtnermoastaprüfung vom Christoph Trögl.

1. Januar 2006: Christoph Trögl übernimmt an Betrieb.

2010: D'Gärtnerei Trögl feiert ihr 260-jahrigs Firmenjubiläum.