Eana Traditions-Gärtnerei in Inglstod seit 1750

1750: Do war Amerika no a englische Kolonie, da Napoleon war no ned auf da Welt und bis zur französischn Revolution warns a no 39 Johr. Aba de Gärtnerei Trögl in Inglstod hods damois scho gem! Seit acht Genarationa übagibt oiwei da Vadda seim Buam an Betrieb weida und im Jubiläumsjohr 2000 hod da Christoph Trögl sei Moasdaprüfung in Landshut ois Gärtner gmacht und is stoiz drauf, daß‘ mit dera Tradition weida geht.

Da heitige Standort vo da Gärtnerei Trögl liegt zwischn da Westlichn Ringstraß' und am Brodmuiweg im Westen vo Inglstod, direkt nebam Westfriedhof. Hinterm Lodngschäft san a weng vasteckt de Gwächsheisa und a riesiga, schena Gartn, durch den d'Schutter laffd.

D'Gärtnerei Trögl macht ois, ogfangt bei da Blumabinderei üba Dekorationa, Hochzeits- und Trauerfloristik bis hi zua Grobbepflanzung, Grobpflege und Kübepflanznübawinterung. Obaut werd' auf a Unterglosfläch'n vo üwa 2000m², wo vor oim Zierpflanz'n und im Somma a Gmias obaut werd'n. Vor a boa Johr is a neis Gwächshaus drobaut worn, wo de Kund'n a drum Auswahl an selbaproduzierte Pflanz'n, Depf und Gloakrusch find'n.

Füa uns ois Familienbetrieb san Beratung und Service as allerwichtigste, aba a de ehrliche Produktion vo de Bluma und am Gmias. Schaugn's doch einfach amoi rei und überzeug'n sa se vo unsara Qualität, wo ma uns gwiß ned vastecka braucha!